مثقفون ينعون الشاعر ممدوح فوزى: وداعًا يا خال
ثقافة أول اثنين:
نعى عدد كبير من المثقفين الشاعر ممدوح فوزى، الذى توفى اليوم، وودعه المثقفون بقولهم “وداعًا يا خال”، ويتم حاليًا مراسم دفن الشاعر الراحل ممدوح فوزى فى مسقط رأسه بأسيوط ولم يتم تحديد موعد لإقامة العزاء.
وكان الشاعر ممدوح فوزى أحد المبدعين الذين قدم عديد من الأعمال وتعاون مع فريق مسار إجبارى فى عدد من الأغنيات.
وانتشر خبر وفاة الشاعر ممدوح فوزى على مواقع التواصل الاجتماعي، وعلق عدد كبير من المثقفين على الرحيل المفاجئ لممدوح فوزى، خاصة أنه كان متواصلا على صفحته على موقع التواصل الاجتماعى حت ساعات ماضية.
ومن كلمات ممدوح فوزى
كلمات : ممدوح فوزى
عنوان بطاقتى فـ الحسين
أُم ْالغُلام ْ… شارع قديم فـ الحيّ
بنت الإمام … أوّل يمين الضيّ
أوّل نفس فـ حياه
الشيخ ياسين …. سلّم خطاه لله
رفرف على بلاد الوجع
الواد جدع
كافح كفاح المحرومين …وإللى إتظلم
الهدمة من توب الحنين … والقلب من توب الألم
عنوان بطاقتى فـ الحسين … أمّا الإقامة فـ الهرم
مقسوم لمين … ياللى إتحرم
والغربة دين …فـ إللى إتقسم
الواد عَلَم ْ … وقت الصباح فـ المدرسة
الواد قلم … وقت الجراح والبوح
الواد ندم … على كل شئ بيروح
الواد عدم … والإسم كان ممدوح
أمّا الميلاد …. أبريل
ولدونى ليل … والنخل طارح
وسابونى خيل … فـ الغربة سارح
أنا لسه فـ إمبارح
محصلتش أكون فـ الجيش
قبل الوجع بـ مفيش
صاحبت فرد حمام
طيّرنى فـ الأحلام
ونزلت من غير ريش
أسرح بتوب آيتام
وارجع بتوب درويش
